चारोळ्या मनातल्या.....

डावे आणि उजवे आता
एकत्र येऊ लागले आहेत...
पोट आणि खिसे भरताना
दोन्ही हात वापरु लागले आहेत.

सखे माझ्यासावे वाट थोडी अवघडच आहे
निमुळती आणि दरी-खोर्‍यांची आहे
पाऊल सांभाळ आणि धर माझा हात,
घाबरू नकोस सोबत माझी आहे

-- आनंद काळे

देवा एकाच मागणी
तिची पापणी भरू दे
माझ्या नावाचा एक तरी थेंब
तिच्या नयनी तरु दे..

- आनंद काळे

नकोस रुसवा धरु तू सखे
मन मनाची ही ओढ़ ग
क्षण क्षणाला आठवण येई
जन्मो जन्मीची ही जोड़ ग

--आनंद काळे

मी वही आणि तू शब्द हो
माझ्या कोरया पानात तू लुप्त हो
मी असा दोन ओळीत रमणारा
ओळीत तू या मजसवे कैद हो

--आनंद काळे

रात अशी ही तंद्रित

पापणिहि बघ लवते आहे

ह्रुदयाचे ठोके हळुवार सांगे

कुणीतरी माझ्यासाठी जागत आहे

-- आनंद काले