ठेच लागली पायाला
तिने मला विव्हळताना पाहीलं
काय सांगु दोस्तहॊ
तिच्या गालावरुन रक्त ओघळत राहीलं
-- आनंद

खुप काही सांगायच होतं
पण तुझा सहवास नव्हता
तूला भिती होती समाजाची
आणी मला एकटेपणा खात होता
-- आनंद

कालचा दिस कसा गेला
नको विचारुस मज सखे
तुझा अबोला होता दिसभर
काल मी जगलोच कुठे
-आनंद काळे

गालावर तिच्या टिचकी मारली
आणि तिचा गाल लाल झाला
नाकावरील राग पाहुन
बंदा हा बेहाल झाला

-- आनंद काळे

कूणीतरी हवं होतं
किनारी माझ्यासवे येनारं
हाथ हातात घेउन
वाळुत रेघोट्या ओढनारं

-- आनंद काळे

प्रत्येका मध्ये एक कवीमन लपलं असतं
त्याला जाग करावं लागतं
चार ओळी जमवण्यासाठी
डोळ्यात कल्पनेला भरवावं लागतं

का कुणास ठाउक
मी असा का वागतो
मित्र विचारती हा कोणाचा परिणाम
मी तिचे नाव सांगतो..

मला तु ना तेव्हा
खुप नटखट वाटतेस
चश्म्यामागील डोळ्यातुन
जेव्हा तु लटका राग दाखवतेस...

चिखलात पडलेले पाखरु
अखेरचा श्वास घेत असलेले
कपड्यांवर डाग पडेल म्हणून
माणसाचे हाथ रोखलेले

गुंतण्यास तुझ्याभोवती मी
सये असाच आतूर होतो
चांदण्यारातीतला चंद्र

मग चांदण्यांशी फितुर होतो

तू जवळी असावीस
आणि चांदणी रात असावी
मी घ्यावे तुला मिठीत
आणि चांदण्यांची बरसात व्हावी
..........................................
वेड लागलय मला
शब्दांबरोबर खेळन्याच
खेळता खेळता स्वत:ला
त्या दोन ओळींमध्ये लपवायच

-- आनंद काळे

वाटायचे मज ब-याचदा
सांगावे तूज सर्व काही
शब्द ओठी जमू लागलेच होते
पण त्या शब्दास आता अर्थ नाही
..................................................

तू नसताना मज सोबती
कसे फुटावे शब्दांना धुमारे
वाटते की सावलीच हरवली
मग शब्दतरी कशी साथ देतिल बिचारे
................................................

ती रात होती केवड्याची
अजूनी मला ते स्मरते आहे
तु लाजलेली तशीच समोर
काळ्या मेघांनी हे आभाळ पुन्हा भरतं आहे
........................................

-- आनंद काळे

काय सांगु तुला सखे
तुझ्या वागण्यात बालिशपणा वाटतो
त्या खट्याळ नजरेनेच
गुदगुल्या झाल्याचा भास होतो
..............................................
काय सांगु तुला सखे
एरवी तु खुप गोड दिसतेस
पण दातात करंगळी दाबुन हसल्यावर
कैरीची आंबट फोड वाटतेस
...............................................

ओठ गुलाबी हे
आणि अंगावरी लाल साज
शिशिराच्या या सकाळी
वाटे उन्ह पडले आज

--आनंद काळे

चांदन्या प्रकाशात सखे
तुला मिठीत घ्यावे वाटते
तुझ्या त्या स्पर्शाने सखे
अंग अंग शहारावेसे वाटते
....................................................

एका नजरे मधेच जेव्हा
तुला ज्याच्यावर विश्वास बसतो
तोच तुझा खरा जोडीदार
आणि तोच तुझा खरा सखा असतो
......................................................

माहित आहे कधी कधी
आपलाच पाय घसरतो
पण लक्षात ठेव
तोल न सांभळनारे आपणच असतो
........................................................
आठवणींमध्ये तुझ्या सखे
भुतकाळात हरवुन जातो
तुझ्याबरोबर घालवलेल्या क्षणांना आठ्वुन
अश्रुंना वाट मोकळी करुन देतो.

-- आनंद

तुज्या ओठाजवळचा तिळ
जिव घायाळ करुन जातो
का अशी लाजुन हसतेस सखे
माज्या ह्रुदयाचा एक ठोका चुकुन जातो..

................................................

सावळी ती तुझी काया
आणि पसरलेला तो सुगंध,
पहाटेच्य त्या गुलाबी प्रहरा
मन होऊन गेले धुंद

..................................................

खुप त्रास होतो मला
जिव कासावीस होऊन जातो
ओळखीचा कुणी समोरुन
जेव्हा ओळख न दाखवता निघुन जातो

..................................................

काही चुका मी केल्या
मला त्या मान्य आहेत
पण तुलाही मी उमगलो नाही
यातही का चुक माझीच आहे?

-- आनंद काळे (तुमचा आनंद)